Bu gün şəhid Araz Abdullayevin doğum günüdür.
Araz Hüseyn oğlu Abdullayev 30 avqust 1969-cu ildə Gəncədə anadan olub. 19 saylı orta məktəbi bitirib. 9 saylı texniki-peşə məktəbində avtomobil çilingəri peşəsinə yiyələnib. O, Alüminium zavodunun yandırma və bərpaetmə sexində çilingər işləyib.
1992-ci ilin yanvar ayında baş leytenant Mehman Ələkbərovun başçılıq etdiyi Gəncə batalyonuna daxil olub. O, Ağca kəndindən başlayaraq Qırmızıkənd, Marquşevan, Çaylı, Həsənqaya və Leninavanın erməni işğalçılarından təmizlənməsində iştirak edib. Araz Ağdərə uğrunda gedən döyüşlərdə ağır yaralanıb.
Araz Hüseyn oğlu Abdullayev 7 iyul 1992-ci il tarixində ikinci dəfə düşmən gülləsinə tuş gəlib və şəhidlik zirvəsinə ucalıb.
