Gəncədə şəhid anaları və xanımları təbrik olunublar. Bu haqda 9 mart tarixində Kəpəz televiziyasına istinadən məlumat veririk.
Yığıncaq Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun maliyyə dəstəyi, İcra Hakimiyyəti, “Zəfər” Şəhid Ailələrinə Dəstək İctimai Birliyi və “Həzrəti Zeynəb” məscidi dini icmasının birgə təşkilatçılığı ilə baş tutub. 8 Mart - Beynəlxalq Qadınlar Günü münasibətilə şəhid ailələrinin xanım üzvləri üçün bayram tədbiri keçirilib.
Burada çıxış edənlər iştirakçı xanımlara təbriklərini çatdırıblar, ölkəmizdə qadınlara göstərilən dövlət qayğısından və onların cəmiyyətdə tutduqları yüksək mövqedən söhbət açıblar. Şəhidlərin əziz xatirəsi yad edilib və onların ruhlarına dualar oxunub.
