Bu gün şəhid Abdulla Paşayevin doğum günüdür.
Abdulla Sultan oğlu Paşayev 24 iyul 1998-ci ildə Gəncədə anadan olub. 42 nömrəli tam orta məktəbi bitirib. 2019-cu ildə Dövlət Regional Kollecindən məzun olub.
O, 24 iyul 2019-cu ildə həqiqi hərbi xidmətə çağırılıb. Vətən müharibəsi zamanı Paşayev Füzuli rayonu uğrunda gedən döyüşlərdə vuruşub. Abdulla Sultan oğlu Paşayev 27 sentyabr 2020-ci ildə şəhidlik zirvəsinə yüksəlib. Növbəti gün Gəncə şəhərinin Şəhidlər xiyabanında dəfn edilib.
Şəhidimiz “Vətən uğrunda” və “Füzulinin azad olunmasına görə” medalları ilə təltif olunub.
