Bu gün şəhid Abbas Məmmədovun doğum günüdür.
Abbas Salman oğlu Məmmədov 29 may 1973-cü ildə Gəncədə anadan olub. Orta təhsilini Yeni Gəncə qəsəbəsindəki 2 saylı orta məktəbdə alıb. Dəfələrlə respublika olimpiadalarının qalibi olub.
29 may 1992-ci ildə Nizami Rayon Hərbi Komissarlığı tərəfindən həqiqi hərbi xidmətə çağırılıb. 709 saylı hərbi hissənin tərkibində vuruşub. Ağdam bölgəsində bir neçə döyüşdə iştirak edib. O, bir neçə kəndin müdafiəsində göstərdiyi qəhrəmanlığa görə hərbi hissə komandiri tərəfindən pul mükafatı və bir həftəlik məzuniyyət vərəqəsi ilə təltif olunmuşdu.
Abbas Salman oğlu Məmmədov 6 iyul 1993-cü ildə Çıldıran uğrunda gedən döyüşdə şəhidlik zirvəsinə ucalıb. Onun meyitini tapmaq mümkün olmayıb.
