Bu gün şəhid Ağa Qocayevin doğum günüdür.
Ağa Ağasi oğlu Qocayev 15 avqust 1960-cı ildə Gəncə şəhərində anadan olub. 9 saylı orta məktəbi bitirib. Orta təhsilini bitirdikdən sonra Büllur zavodunda çalışıb. 1978-1980-ci illərdə Novosibirsk vilayətində hərbi xidmətdə olub.
O, ailənin tək övladı olub. Ağa Qocayev 1980-ci ildə ailə qurub. Ağanın üç övladı Vətənə əmanət qalıb.
Ağa Qocayev 12 fevral 1992-ci ildə Nizami Rayon Hərbi Komissarlığı tərəfindən səfərbərliyə alınıb, 181 saylı hərbi hissədə sürücü olub.
Ağdam, Füzuli, Tərtər, Ağdərə döyüşlərində iştirak edib.
Ağa Ağasi oğlu Qocayev 13 dekabr 1993-cü ildə Beyləqan rayonunda gedən ağır döyüşlərin birində şəhidlik zirvəsinə yüksəlib.
Şəhidimizin məzarı Gəncə Şəhidlər xiyabanındadır.
