Gəncədə növbəti konsert proqramı baş tutub. Bu haqda 21 iyun tarixində İcra Hakimiyyətinə istinadən məlumat veririk.
“Heydər xalqım deyəcək, xalq Heydər söyləyəcək!" adlı konsert proqramı İcra Hakimiyyətinin dəstəyi, YAP Gəncə şəhər təşkilatının təşkilatçılığı ilə təqdim olunub. Tədbirdə icra başçısı Niyazi Bayramov, Gürcüstanın Gəncədəki Baş konsulu Nikoloz İaşvili, Türkiyənin Gəncədəki vitse-konsulu Özkan Büktel, millət vəkilləri Müşfiq Cəfərov, Razi Nurullayev, YAP Gəncə şəhər təşkilatının sədri, Ailə, Qadın və Uşaq Problemləri üzrə Dövlət Komitəsinin yanında yaradılan Uşaq Səfirlər Məclisinin Gəncə üzrə nümayəndəsi, idarə, müəssisə, təşkilat rəhbərləri, ziyalılar, şəhid, qazi ailələri və ictimaiyyət nümayəndələri iştirak ediblər.
Burada Heydər Əliyevin, şəhidlərimizin və Türkiyədə baş vermiş zəlzələ nəticəsində dünyasını dəyişmiş vətəndaşların xatirəsi bir dəqiqəlik sükutla yad edilib. Daha sonra Niyazi Bayramov, YAP Gəncə şəhər təşkilatının sədri Bayram Aslanov, Uşaq Səfirlər Məclisinin Gəncə üzrə nümayəndəsi Hüseyn İsmayılovun çıxışları baş tutub.
Tədbirdə ali və orta ixtisas təhsil müəssisələrinin özfəaliyyət kollektivlərinin ifasında ulu öndərə ithaf olunmuş mahnılar, musiqi nümunələri tamaşaçılara təqdim edilib.
Sonda tədbirdə fəal iştirakına görə özfəaliyyət kollektivləri YAP Gəncə şəhər təşkilatı tərəfindən təşəkkürnamə ilə təltif olunublar.
