Gəncədə qaçış tədbiri keçirilib. Bu haqda 29 may tarixində Azərtac-a istinadən məlumat veririk.
Kütləvi qaçış tədbiri Heydər Əliyevin anadan olmasının 100 illiyinə həsr edilib. Azərbaycan Atletika Federasiyasının təşkilatçılığı, Gənclər və İdman Nazirliyi və Gəncə şəhər İcra Hakimiyyətinin dəstəyi, Race.az komandasının və Baku Marafon Klubunun tərəfdaşlığı ilə keçirilən yarışda 200-ə yaxın iştirakçı mübarizə aparıb.
Açılış mərasimində Atletika Federasiyasının prezidenti Cavid Qurbanov çıxış edib. O, bu cür tədbirlərin ölkəmizdə atletika idman növünün kütləviliyinin təmin olunmasında mühüm əhəmiyyət kəsb etdiyini diqqətə çatdırıb.
Region təmsilçiləri 6 km. məsafəyə qaçışda mübarizə aparıblar. Yürüşə Heydər Əliyev parkında start verilib. Burada şəhərimizi təmsil edən Səməd Əhmədov və Fidan Yusifova baş mükafata layiq görülüblər.
Qaliblər medal, diplom və qiymətli hədiyyələrlə mükafatlandırılıblar.
