Gəncədə yol-nəqliyyat hadisəsi qeydə alınıb. Bu haqda Gencexeber.az-a 26 avqust tarixində məlumat daxil olub.
Hadisə şəhərin Heydər Əliyev prospektində baş verib. "Hyundai" markalı minik maşını idarəetmədən çıxıb. O, yolun kənarında dayanan “KİA” ilə toqquşub. Daha sonra “Hyundai” ağaca çarpılıb və aşıb. Nəticədə sürücü xəsarət alıb.
Qəza yerinə polis əməkdaşları və təcili tibbi yardım briqadası cəlb olunub. Sürücüyə ilkin tibbi yardım göstərilib.
İlkin məlumata əsasən, hadisə zamanı bir neçə avtomobilə ziyan dəyib.
Faktla bağlı araşdırma aparılır.
