Gəncədə “Heydər Əliyev Fondu və Gəncə” adlı tədbir və “Mehriban xanım Əliyeva: humanizmin və xeyriyyəçiliyin hamisi” adlı kitabın təqdimat mərasimi keçirilib.
Burada “Heydər Əliyev Fondu və Gəncə” adlı videoçarx nümayiş olunub. Daha sonra Elmlər Akademiyasının Gəncə Bölməsi tərəfindən Fondun 20 illiyi münasibəti ilə “Mehriban xanım Əliyeva: humanizmin və xeyriyyəçiliyin hamisi” adlı kitabin təqdimatı baş tutub. Kitabda Fondun 20 il ərzində keçirdiyi layihələr əks olunub. Sonda Gəncə Dövlət Filarmoniyasının Göygöl Mahnı və Rəqs Ansamblının solistləri tərəfindən nəfis muğam nümunləri təqdim edilib.
Qeyd edək ki, tədbir Gəncə Şəhər İcra Hakimiyyətinin təşkilatçılığı, Gəncə Dövlət Milli Dram Teatrının, F.Əmirov adına Gəncə Dövlət Filarmoniyasının və Heydər Əliyev Park-Kompleksinin dəstəyi ilə keçirilib.
