Gəncədə “Məşğulluğa Dəstək Layihəsi” çərçivəsində benefisiarlarla görüş baş tutub. Bu haqda 3 fevral tarixində Kəpəz televiziyasına istinadən xəbər veririk.
“Həvəsləndirmə və Biznes mükafatları” haqqında məlumatlandırma görüşü keçirilib. Burada Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə icra olunan layihədə 2021-ci ilin dekabr ayından etibarən istehsal və xidmət istiqamətləri üzrə aktiv almış biznes fəaliyyəti göstərən şəxslər iştirak ediblər.
Görüşdə iştirak edənlərə müsabiqənin şərtləri və tələb olunan meyarlar barədə məlumat verilib. Bildirilib ki, müsabiqənin sonunda seçim şərtlərinə uyğun olan benefisiarlarla mövcud biznes fəaliyyətlərini daha səmərəli şəkildə davam etdirmələri və inkişafı üçün əlavə avadanlıqların verilməsi nəzərdə tutulub. Daha sonra benefisiarları maraqlandıran suallar cavablandırılıb.
