Gəncədə kommunal qəza baş verib. Bu haqda Gencexeber.az-a 15 avqust tarixində xəbər daxil olub.
Şəhərin bir çox ərazilərini təmin edən ana su xətti partlayıb. Sözügedən hadisə Nizami küçəsində, Mərkəzi univermağın qarşısında qeydə alınıb. Nəticədə adıçəkilən ərazidən başlayaraq Nağı bəy Şeyxzamanlı küçəsini də su basıb və Heydər Əliyev prospekti boyunca axmağa başlayıb.
Hadisə yerinə “Azərsu” ASC-nin təmir briqadası və canlı texnikası cəlb olunub. Hazırda təmir işləri aparılır.
