Gəncədə Müstəqillik Günü ilə əlaqədar tədbirlər keçirilib. Bu haqda 29 may tarixində Müdafiə Nazirliyinə istinadən məlumat veririk.
Silsilə tədbirlər çərçivəsində hərbi qulluqçular üçün ictimai-siyasi hazırlıq dərsləri, “dəyirmi masa”lar, konfranslar, ekskursiyalar, kitab, foto və rəsm sərgiləri təşkil edilib, sənədli və bədii filmlər nümayiş olunub. Həmçinin Heydər Əliyevin, Azərbaycanın Milli Qəhrəmanları və Sovet İttifaqı Qəhrəmanlarının abidələri, Şəhidlər xiyabanı və tarixi muzeylər ziyarət edilib.
Tədbirlərdə çıxış edənlər 1918-ci ildə Azərbaycanın müstəqilliyinin elan edilməsi və Azərbaycanın müstəqilliyinin bərpa olunması tarixi barədə məlumat veriblər. Gəncə Qarnizonu İdeoloji və Mədəniyyət Mərkəzinin hazırladığı ədəbi-bədii kompozisiyalar, vətənpərvərlik mövzusunda müxtəlif musiqi nömrələri təqdim olunub.
