Gəncədə icra başçısının vətəndaşlarla görüşü baş tutub. Bu haqda 15 sentyabr tarixində İcra Hakimiyyətinə istinadən xəbər veririk.
Niyazi Bayramov Məhsəti Gəncəvi Mərkəzində növbəti dəfə vətəndaşların müraciətlərini dinləyib. Görüşdə millət vəkili Müşfiq Cəfərov, Aparatın məsul əməkdaşları, idarə, müəssisə və təşkilat rəhbərləri, həmçinin bələdiyyə sədrləri iştirak ediblər.
Səsləndirilən problemlərin bir çoxu yerindəcə öz həllini tapıb, bəzilərinin isə aradan qaldırılması üçün müvafiq tapşırıqlar verilib.
Qeyd olunub ki, bu cür səyyar görüşlər və qəbullar bundan sonra da davam etdiriləcək.
