Gəncədə elm xadimlərinin yubileyləri təbrik edilib. Bu haqda 4 mart tarixində İcra Hakimiyyətinə istinadən məlumat veririk.
İcra Hakimiyyətində şəhər Ağsaqqallar Şurasının sədri, texnika elmləri doktoru, professor Nurəddin Məmmədovun 85, şuranın idarə heyətinin üzvü, “Aqromexanika” Elmi-Tədqiqat İnstitutunun direktoru, professor Kamil Fətəliyevin 80 illik yubileyləri münasibətilə tədbir təşkil olunub. Burada Niyazi Bayramov, millət vəkilləri Musa Quliyev, Müşfiq Cəfərov, AMEA-nın Gəncə Bölməsinin sədri Fuad Əliyev, İcra Hakimiyyəti başçısı aparatının məsul əməkdaşları, Azərbaycan Dövlət Aqrar Universitetinin və Azərbaycan Texnologiya Universitetinin rektorları iştirak ediblər.
İcra başçısı hər iki yubilyarı təbrik edib, onlara xoş arzularını çatdırıb. Daha sonra Niyazi Bayramov tərəfindən Nurəddin Məmmədov və Kamil Fətəliyev Gəncə şəhərinin ictimai-siyasi, elm və təhsil həyatında göstərdikləri səmərəli fəaliyyətlərinə görə “Təşəkkürnamə”lərlə təltif olunublar, onlara qiymətli hədiyyələr təqdim edilib.
