Gəncədə universitetdə təşkil olunan yarışın qalibləri məlum olub. Bu haqda 2 may tarixində ATU-ya istinadən məlumat veririk.
Azərbaycan Texnologiya Universitetində "GreenTech" Startap və Yaşıl Texnologiyalar" müsabiqəsi təşkil olunub. Burada qalib gələn komandalar açıqlanıb.
I yerə Azərbaycan Dövlət Neft və Sənaye Universiteti (ADNSU), Xəzər Universiteti və Azərbaycan Texniki Universiteti (AzTU) tələbələrinin birgə ərsəyə gətirdiyi “Sand cleaner”, Azərbaycan Texnologiya Universiteti tələbələrinin “İnno way”, Bakı Ali Neft Məktəbi tələbələrinin “Ekoloji cəhətdən təmiz innovasiya: Pet”, Mingəçevir Dövlət Universiteti tələbələrinin “Bio clean”, Milli Aviasiya Akademiyası (MAA) tələbələrinin “Ağıllı yanğın aşkarlama və müdaxilə” layihələri layiq görülüblər.
II yerin qalibləri “Wine robot” layihəsi ilə Gəncə Dövlət Universitetinin, “Eco green” layihəsi ilə Xəzər Universitetinin, “Təbii sərvətlərin səmərəli istifadəsi və Qarabağın dirçəlişi layihəsi ilə” AzTU-nun, “Agrobot” layihəsi ilə Azərbaycan Dövlət Aqrar Universitetinin, “e-yerli.az” layihəsi ilə Bakı Biznes Universitetinin tələbələri olublar.
III yerdə isə Qərbi Kaspi Universiteti tələbələrinin “Aguaponics”, Xəzər Universiteti tələbələrinin “Ecoway”, ADNSU, AzTU və Xəzər Universiteti tələbələrinin birgə hazırladığı “Agro helper”, MAA tələbələrinin “Radioaktiv mühitin təyini” startapları qərarlaşıb.
