Göygöldə yol qəzasında xəsarət alanların vəziyyəti açıqlanıb.
APA xəbər verir ki, oktyabrın 25-də saat 08:00 radələrində Göygöl rayon ərazisində baş verən yol-nəqliyyat hadisəsi ilə əlaqədar Göygöl Rayon Mərkəzi Xəstəxanasının Təcili tibbi yardım şöbəsinə 3 nəfər (kişi cinsli) hospitalizasiya olunub.
Müxtəlif bədən xəsarətləri alan şəxslərə ilkin tibbi yardım göstərilib. Onların hər biri ixtisaslı tibbi xidmət almaq üçün Gəncə Şəhər Birləşmiş Xəstəxanasının nəzdində olan Abbas Səhhət adına xəstəxanaya təxliyə olunub.
Hazırda tibb müəssisəsinin müvafiq şöbəsində müalicələri davam etdirilir, vəziyyətləri orta ağırdır.
Qeyd edək ki, bu gün Göygöl rayonunda “Opel” və “VAZ-21015” markalı avtomobillərin iştirakı ilə yol-nəqliyyat hadisəsi baş verib. Qəza nəticəsində Fariz Məhərrəmov (2006), Xəyal Rzayev (1984) və Heydər Hüseynov (2006) xəsarət alıb. Sərnişin Ramal Qurbanzadə (2006) isə dünyasını dəyişib.
