Məktəblilər üçün düşərgə təşkil edilib. Gencexeber.az Gənclər və İdman Nazirliyinə istinadən xəbər verir ki, tədbir Göygöl Olimpiya İdman Kompleksində keçirilib.
Dünya Robot Olimpiadasının iştirakçıları üçün yay düşərgəsi Gənclər və İdman Nazirliyinin təşkilatçılığı və Azərbaycan Robotexnika Mühəndislik Akademiyasının təşəbbüsü ilə təşkil olunub. Burada 4 gün ərzində müxtəlif bölgələrdən peşəkar təlimçilər və iştirakçılar olmaqla ümumi 95 nəfər iştirak edib.
Düşərgə müddətində iştirakçılara nəzəri və praktiki təlimlərlə yanaşı, mütəxəssislər tərəfindən robotexnika, dron, proqramlaşdırma və liderlik seminarları da keçirilib. Növbəti günlərdə isə Göygölə və Xan yaylağına səfər baş tutub.
