Gəncədə "Xalqın mədəni sərvəti" layihəsi çərçivəsində daha bir tədbir baş tutub. Bu haqda 16 fevral tarixində Apa-ya istinadən xəbər veririk.
Əbədiyaşar bəstəkarımız, SSRİ Xalq artisti Qara Qarayevə həsr olunmuş tədbirin ikinci günü keçirilib. Burada 1, 3, 4, 5 nömrəli Uşaq Musiqi Məktəblərinin və Uşaq İncəsənət Məktəbinin şagirdləri iştirak ediblər. Onlar Gəncə Mall-da təşkil olunan konsert proqramında müxtəlif nömrələrlə çıxış ediblər.
Qeyd edək ki, Azərbaycan Respublikası Mədəniyyət Nazirliyi, Regional Mədəniyyət İdarəsi və Gəncə Dövlət Filarmoniyasının təşkilatçılığı ilə baş tutan layihələr çərçivəsində Azərbaycanın əbədiyaşarları müxtəlif mədəniyyət müəssisələri, musiqi məktəbləri, istirahət mərkəzlərində gənc nəslin iştirakı ilə təbliğ olunur.
