Xəbər verdiyimiz kimi, Gəncə şəhərinin Gülüstan yaşayış massivində yerləşən İstiqlal parkının infrastrukturuna naməlum şəxslər tərəfindən ziyan vurulub.
Gencexeber.az-ın məlumatına görə, dünən gecə saatlarında 44 Günlük Vətən Müharibəsi şəhidlərinin xatirəsinə ucaldılmış heykəlin mərmər üzlüyünün bir neçə hissəsi qırılaraq zədələnib. Bununla yanaşı, park ərazisində şəhidlərin şəkillərinin işıqlandırılması üçün nəzərdə tutulan işıq sistemi də yararsız hala salınıb. Bir neçə plafon qırılıb, hətta bir plafon oğurlanıb.
Gəncə Şəhər Mənzil-Kommunal Təsərrüfat İstehsalat Birliyinin müvafiq şöbələri parkda təmir və bərpa işlərini görüb.
Hadisə sakinlərin narazılığına səbəb olub. Faktla bağlı polis araşdırmaya başlayıb. Qeyd edək ki, İstiqlal parkında müşahidə kameraları mövcud deyil.
