Gəncədə yeni qəbul olmuş magistrlərin qeydiyyatı prosesi başlayıb. Bu haqda 21 iyul tarixində GDU-ya istinadən məlumat veririk.
Yeni, 2023/2024-cü tədris ilində Gəncə Dövlət Universitetinin magistr pilləsinə qəbul olunmuş şəxslər www.portal.edu.az saytından qeydiyyatdan keçməlidirlər. Bu prosesə qoşulmayan şəxslərin addımı ixtisasa yerləşdirmədən imtina etməsi kimi qiymətləndiriləcək.
Qəbul olunan bakalavrlar 21-31 iyul tarixlərində Portal.edu.az saytına aşağıdakı sənədləri yükləməlidirlər:
- Əvvəlki illərin məzunları bakalavr diplomu və diploma əlavə, cari ilin məzunları Universiteti bitirmələri haqqında arayış – PDF formatda (skan edilmiş formada)
- Universitetə ödənişli əsaslarla qəbul olunan tələbələr saytda qeydiyyatdan keçəndən sonra invoys nömrəsi yaranacaq. Həmin nömrə üzrə təhsil haqqını ödəmək və ödəniş qəbzinin skan surətini təqdim etmək lazımdır. Ödəniş qəbzini təqdim etməyənlər qeydiyyata alınmayacaqlar.
Portal.edu.az saytından qeydiyyatdan keçən tələbələrdən tədris ili başlayanda aşağıdakı sənədlərin əslini universitetə təqdim etmələri tələb olunur:
- Bakalavr diplomu və diploma əlavə (əsli);
- Cari ilin məzunları universiteti bitirmələri haqqında arayış;
- 3×4 ölçülü 4 ədəd şəkil;
- Abituriyentin qəbul olunması barədə DİM saytındakı şəxsi səhifəsindən çıxarış;
- Ödənişli əsaslarla qəbul olunanlar üçün ödəniş qəbzi;
- Kəndirli qovluq;
- Hərbi qeydiyyat sənədinin əsli (hərbi bilet və ya hərbi qeydiyyata alınma barədə vəsiqə).
Qeyd edək ki, portal.edu.az saytından qeydiyyatda çətinlik çəkən şəxslər (050) 388 44 91, (055) 648 00 79, (051) 912 50 80 nömrələri ilə əlaqə saxlaya bilərlər.
