Təhsil Tələbə Krediti Fondunun (TTKF) nümayəndələri Gəncə Dövlət Universitetində (GDU) görüş keçiriblər.
Gencexeber.az-a bu barədə GDU-dan məlumat verilib.
Görüşdə TTKF-nin İdarə heyəti sədrinin müavini Tahir Xələfov, Departament müdiri Ayaz Mustafayev, baş mühasib Məmmədəli Abidin, Universitetin Tədris məsələləri üzrə prorektoru Şahin Xurşudov, Təcrübə və karyera şöbəsinin müdiri Cabbar Qarayev, Tədrisin təşkili və idarə olunması sektorunun müdiri, Fondun GDU üzrə koordinatoru Sevinc Quliyeva iştirak ediblər.
Görüşün məqsədi universitet ilə əməkdaşlıq əlaqələrini daha da genişləndirmək olub.
Qeyd edək ki, Təhsil Tələbə Krediti Fondu Azərbaycan Respublikası Prezidenti Cənab İlham Əliyevin Fərmanı ilə Elm və Təhsil Nazirliyinin tabeliyində yaradılıb. Fəaliyyət göstərdiyi qısa müddət ərzində Azərbaycan Universitetləri üzrə fonda təxminən 55 min müraciət daxil olmuş, 43 mindən çox təhsil tələbə krediti müqaviləsi imzalanmışdır.
