Gəncədə daha bir açılış mərasimi baş tutub. Bu haqda 10 aprel tarixində GDU-ya istinadən məlumat veririk.
Gəncə Dövlət Universitetində STEAM laboratoriyası yaradılıb. Açılış tədbirində universitet rəhbərliyi, şöbə müdirləri, fakültə dekanları və kafedra müdirləri iştirak ediblər.
Rektor Yusif Yusibov bildirib ki, laboratoriya pedaqoji ixtisaslarda təhsil alan tələbələrin orta məktəblərdə tətbiq olunan STEAM təlim metoduna əvvəlcədən yiyələnməsinə şərait yaradacaq. Həmçinin gənclər müxtəlif proqramlaşdırma dillərini tətbiq etməklə müasir İKT avadanlıqlarından istifadə qabiliyyətlərini yüksəldəcəklər, innovasiyalar və rəqəmsallaşma üzrə beynəlxalq təcrübəni öyrənmək imkanı əldə edəcəklər.
Universitetin İnnovasiyalar Departamentinin direktoru Vasif Həsənov laboratoriyada olan qurğular barədə məlumat verib. Daha sonra Elm və innovasiyalar üzrə prorektor, millət vəkili Pərvin Kərimzadə çıxış edib.
