Gəncədə qazilərlə görüş keçirilib. Bu haqda 26 iyun tarixində GDU-ya istinadən məlumat veririk.
Gəncə Dövlət Universitetində rektorluğun və Azad Həmkarlar İttifaqı Komitəsinin qazilərlə görüşü 26 İyun – Silahlı Qüvvələr Günü münasibətilə baş tutub. Tədbirdə Komitənin sədri Afaq Qasımova Silahlı Qüvvələr Günü münasibətilə universitet rəhbərliyi və Qarabağ müharibəsi qazilərinin timsalında bütün Azərbaycan xalqını təbrik edib.
Görüşdə rektorun baş müşaviri Asif Cavadov Silahlı Qüvvələrin potensialının və gücünün artırılması istiqamətində görülən tədbirlərin uğurlu nəticələrindən söhbət açıb. Qazilər dövlət tərəfindən onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.
