Goranboy Olimpiya İdman Kompleksində tədbir olub.
Gencexeber.az Goranboy Rayon İcra Hakimiyyətinə istinadən məlumat verir ki, Gənclər və İdman Nazirliyi tərəfindən “Poliqon” gənclərin hərbi-vətənpərvərlik düşərgəsi təşkil olunub. Azərbaycan Dövlət İqtisad Universitetinin 50 tələbəsinin iştirakı ilə baş tutan düşərgə hərbi simulyativ formatda keçirilib.
Gənclər üçün maraqlı hərbi təlimlər, idman və hərbi-idman oyunları, intellektual oyunlar, həmçinin “Məclisi-üns” təşkil edilib. Düşərgədə fəxri qonaq qismində Vətən Müharibəsi Qəhrəmanı Qəzənfər Ağayev və Olimpiya mükafatçısı, goranboylu Həsrət Cəfərov da gənclərlə birgə olub.
