Gəncədə təlim təşkil olunub. Bu haqda 15 dekabr tarixində Gənclər Evinə istinadən xəbər veririk.
Gənclər üçün "Erkən nikah və onun fəsadları" mövzusunda psixoloji təlim keçirilib. Burada "Sağlam Ailə" Tibb Mərkəzinin həkimləri Lalə Kazımova və Nailə Nəsibova tərəfindən erkən nikahın səbəbləri və nəticələrindən danışılıb. Həmçinin bunun gənclərə, ailələrə, cəmiyyətə vurduğu zərərlər və həmin sosial problemin aradan qaldırılması yolları haqqında iştirakçılara məlumat verilib.
Təlimin sonunda iştirakçıları maraqlandıran suallar cavablandırılıb və onlara sertifikatlar təqdim olunub. Tədbir Regional Gənclər və İdman İdarəsi, Gənclər Evi, "Sağlam Ailə" Tibb Mərkəzi və ADAU TGT-nin birgə təşkilatçılığı ilə baş tutub.
