Gəncə Gənclər Evi və "Loqos" Psixoloji və Nitq İnkişaf Mərkəzinin Gəncə filialının təşkilatçılığı ilə təlimlər baş tutacaq. Bu haqda 1 may tarixində Gənclər Evinə istinadən xəbər veririk.
"Yeniyetməlik və bərabərində gətirdikləri" mövzusunda 2 hissəli təlim keçiriləcək. Görüşün birinci hissəsi 6 may tarixində saat 15:00-da mərkəzin Psixologiya klubunun rəhbəri Günəş Seyfullahzadə tərəfindən aparılacaq. İkinci hissəsi isə "Loqos" Psixoloji və Nitq İnkişaf Mərkəzinin Gəncə filialında 7 may tarixində saat 15:00-da Psixoloq Taciyə Mehdisoyun iştirakı ilə olacaq.
Təlimlərdə iştirak edən şəxslərə sertifikat veriləcək. Qatılmaq üçün 077 375 74 76 nömrəsi ilə əlaqə saxlayıb qeydiyyatdan keçməlisiniz. Gənclər Evi 28 May küçəsi, 34-də yerləşir.
