Gəncədə ödənişsiz təlim təşkil olunacaq. Bu haqda 2 oktyabr tarixində Gənclər Evinə istinadən xəbər veririk.
"İnformasiyanın kodlaşdırılması və ölçü vahidləri" mövzusunda silsiləli kompüter kursu keçiriləcək. Məşğələlər Gənclər Evinin kompüter kursunun rəhbəri İlahə Mehdiyeva tərəfindən təşkil ediləcək.
Dərslər 4,11 və 19 oktyabr tarixlərində saat 14:30-da baş tutacaq. Təlimdə iştirak edən tələbələrə sertifikat veriləcək. Qatılmaq istəyənlər 055 307 22 15 nömrəsi ilə əlaqə saxlayıb, qeydiyyatdan keçməlidirlər.
Qeyd edək ki, dərslər 28 May küçəsi, 34 ünvanında yerləşən Gənclər Evində keçiriləcək.
