Azərbaycan Dövlət Akademik Musiqili Teatrı kollektivinin Gəncə şəhərinə qastrol səfəri baş tutacaq. Bu haqda 17 iyun tarixində Mədəniyyət Nazirliyinə istinadən məlumat veririk.
Səfər çərçivəsində kollektiv iyunun 19-u saat 19:00-da Gəncə Dövlət Filarmoniyasında “Sən elə bir zirvəsən” tamaşasını nümayiş etdirəcək.
Tədbir Mədəniyyət Nazirliyi tərəfindən ümummilli lider Heydər Əliyevin 100, Azərbaycan peşəkar milli teatrının yaranmasının 150 illiyi münasibətilə təşkil olunub.
