Bakı-Qazax yolunda qəza baş verib. Bu haqda məlumatı 19 avqust tarixində Report-a istinadən xəbər veririk.
Hadisə yolun Kürdəmir rayonunun Sığırlı kəndindən keçən hissəsində qeydə alınıb. ”Hyundai” markalı minik avtomobilin sürücüsü Gəncə istiqamətində hərəkətdə olarkən qəfildən idarəetməni itirib. Nəticədə maşın bir neçə dəfə fırlanaraq yol kənarındakı kanala düşüb.
Qəza zamanı avtomobildə olan sərnişin, 18 yaşlı Əli Coşqun oğlu Qənbərli müxtəlif dərəcəli bədən xəsarətləri alıb. Yaralı təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb.
Hazırda faktla bağlı araşdırma aparılır.
