Gəncə Şəhər Birləşmiş Xəstəxanasının həkim heyəti tibbi müayinələrə cəlb edilib. Bu haqda 12 iyun tarixində İcbari Tibbi Sığorta üzrə Dövlət Agentliyinə istinadən məlumat veririk.
Ümummilli lider Heydər Əliyevin 100 illik yubileyi münasibətilə tibbi aksiya təşkil edilib. Aksiya çərçivəsində Gəncə şəhərində gender əsaslı zorakılıq qurbanlarına və əlil qadınlara dəstək göstərən 2 təşkilatın sakinləri kardioloq, ginekoloq, nevroloq, terapevt, oftalmoloq, pediatr və radioloq tərəfindən müayinə ediliblər. Əlavə müayinə və müalicəyə ehtiyacı olan şəxslər xəstəxanaya dəvət ediliblər. Onların arasında ən çox rast gəlinən xəstəlik hipertoniya olduğu aşkarlanıb.
Aksiyanın keçirilməsində əsas məqsəd xüsusi qayğıya ehtiyacı olan şəxslərin sağlamlığı ilə bağlı problemlərini erkən aşkarlamaq və ağırlaşmaların qarşısını vaxtında almaqdır.
