Gəncə teatrının aktyorları beynəlxalq tədbirdə iştirak ediblər.
Gencexeber.az Gəncə Dövlət Milli Dram Teatrına istinadən məlumat verir ki, Beynəlxalq Teatr Festivalı Türkiyənin İstanbul şəhərində təşkil olunub. Burada Gəncə Dövlət Milli Dram Teatrının direktoru Aqil Bəhramlının rəhbərlik etdiyi 17 nəfərlik heyət ölkəmizi təmsil edib.
Tədbirdə Kubilay Erdelikaranın quruluş verdiyi Əziz Nesinin “Toros canavarı” tamaşası nümayiş olunub.
Sonda Aqil Bəhramlı Gəncənin dahi şairi Nizami Gəncəvinin məqbərəsinin ağacdan yonulmuş maketini festival rəhbərliyinə hədiyyə edib.
