Nizami yurdunun bir sıra ərazilərində iməcilik aksiyası keçirilib. Gencexeber.az Mənzil Kommunal Təsərrüfatı İstehsalat Birliyinə istinadən məlumat verir ki, işlər qurumun canlı qüvvə və texnikaları vasitəsilə görülüb.
Bu gün şəhərin Sədi küçəsi 31, 33, 36, Üzeyir Hacıbəyov küçəsində isə 12 və 16 saylı yaşayış binalarının ətrafı, həmçinin Sədi küçəsi ilə kəsişən Nyuton və Mirzəağa Əliyev küçələri məişət tullantıları, toz-torpaq, yarpaq və digər qalıqlardan təmizlənib.
Aksiya çərçivəsində küçə və döngələrdə, yolkənarlarında alaq otları biçilib, mövcud zibil qutularının ətrafında səliqə-səhman yaradılıb. Yüngül təmirə ehtiyacı olan konteynerlər elə yerindəcə təmir edilib.
Həmçinin ərazidə su arxlarında daşma təhülkəsini önləmək məqsədilə suyun axınına maneə yaradan tullantılar yığılaraq ərazidən daşınıb.
