Gəncədə mövcud sosial xidmətlər barədə maarifləndirmə tədbiri həyata keçirilib.
Gencexeber.az İcra Hakimiyyətinə istinadən bildirir ki, əhalinin sosial xidmətlərlə təmin edilməsində ünvanlılığının artırılması məqsədilə mövcud sosial xidmətlər haqqında əhali arasında maarifləndirmə tədbirlərinin həyata keçirilməsinin icrası ilə əlaqədar, Gəncə şəhərində maarifləndirmə tədbiri keçirilib.
Gəncə Şəhər İcra Hakimiyyətində keçirilən qəbullarda vətəndaşlar Sosial Xidmətlər Agentliyinin Gəncə-Daşkəsən Regional filialı və İcra Hakimiyyəti əməkdaşları tərəfindən sosial xidmətlər və müraciət qaydaları barədə məlumatlandırılıb. Sakinlərə bu mövzuda bukletlər də paylanılıb.
