Gəncədə sosial layihə həyata keçirilib. Bu haqda Gencexeber.az-a 28 iyun tarixində məlumat daxil olub.
“Gənc liderlərin şəbəkələşməsi” layihəsi “Şəbəkə” proqramı çərçivəsində “Gələcəyə Körpü” Gənclər İctimai Birliyi tərəfindən baş tutub. Burada 14-29 yaş arası yeniyetmə və gənclər iştirak ediblər. Layihə çərçivəsində “pitching- inandırma”, “strateji düşünmə”, “kommunikasiya və komanda ilə işləmə bacarığı”, “könüllülüyün karyera perspektivləri” və “vaxtın idarə edilməsi” mövzularını əhatə edən təlimlər təşkil olunub.
Məqsəd iştirakçıların çevik bacarıqlarını (soft skills) təkmilləşdirmək, liderlik potensialı olan gəncləri üzə çıxarmaq, idarəçilik qabiliyyəti barədə məlumatın artırılması və onlar arasında şəbəkələşməni təmin etmək olub.
