Gəncəli şagird beynəlxalq rəsm müsabiqəsinin qalibi olub. Bu haqda 7 fevral tarixində Gəncə Regional Mədəniyyət idarəsi məlumat paylaşıb.
Gəncə şəhər Uşaq İncəsənət məktəbinin şagirdləri "Toyota-arzuların maşını" 15-ci Beynəlxalq müsabiqəyə qatılıblar. Onlardan 4-cü sinif şagirdi Sadıx Əsgərov 1-ci yerə layiq görülüb. Bundan başqa fəal iştiraklarına görə Ayişə Meydiyeva, Nərgiz Nəsirova, Aysu Məmmədova, Liana Bəxtiyarova, Banu Bəkirova sertifikat və hədiyyələrlə təltif olunublar.
Qeyd edək ki, müsabiqə sentyabr (2021) – yanvar (2022) tarixlərində keçirilib.
