Gəncədə universitetlərin birində toplantı baş tutub. Bu haqda 1 fevral tarixində Gəncə Dövlət Universitetinə istinadən xəbər veririk.
Gəncə Dövlət Universitetində Elmi Şuranın növbəti iclası keçirilib. Burada rektor Yusif Yusibov şura üzvlərini gündəlikdə duran məsələlərlə tanış edib. Daha sonra tədris məsələləri üzrə prorektor Şahin Xurşudov, elm və innovasiyalar üzrə prorektor millət vəkili Pərvin Kərimzadə və İnnovasiyalar Departamentinin direktoru Vasif Həsənov çıxış ediblər.
İclasda, eyni zamanda universitetdə yaxın zamanlarda istifadəyə veriləcək “Steam” laboratoriyası və mərkəzləşdirilmiş təhsil idarəetmə sistemi “EduMan” proqram təminatı sistemi haqqında ətraflı danışılıb. Sonda Azərbaycan Milli Elmlər Akademiyasının Neft-Kimya Prosesləri İnstitutunun direktoru akademik Vaqif Abbasova GDU-nun “Fəxri doktoru” adının verilməsi ilə bağlı qərar qəbul olunub.
