Azərbaycan Dövlət Akademik Musiqili Teatrı Gəncədə musiqili-tarixi esse təqdim edib. Bu haqda 20 iyun tarixində Gəncə Şəhər İcra Hakimiyyətinə istinadən məlumat veririk.
Ulu öndər Heydər Əliyevin 100 illiyinə və 15 İyun - Milli Qurtuluş Gününə həsr olunmuş konsert proqramı Gəncə Dövlət Filarmoniyasında baş tutub.
Konsert proqramının bədii rəhbəri Musiqili Teatrın direktoru Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev, ssenari müəllifi Əməkdar artist Mübariz Həmidovdur.
Tədbirdə teatrın solistləri - Əməkdar artistlər: Fərid Əliyev, Səidə Şərifəliyeva, Prezident mükafatçıları Mehriban Zaliyeva, Səmədzadə Xasiyev, aktyorlar: İbrahim Əlizadə, Aydan Həsənova, Hidayət Əliyev, Şaban Cəfərov, Türkel Tariqpeyma, Emin Zeynallı, həmçinin teatrın xor və balet heyətinin üzvləri iştirak ediblər.
Sonda xatirə şəkli çəkdirilib.
