Gəncədə konsert proqramı təşkil olunub. Bu haqda 15 iyun tarixində İcra Hakimiyyətinə istinadən məlumat veririk.
Milli Qurtuluş Gününə həsr olunmuş konsert İcra Hakimiyyətinin dəstəyi və Gəncə Dövlət Filarmoniyasının təşkilatçılığı ilə baş tutub. Burada Niyazi Bayramov, hüquq-mühafizə orqanlarının rəhbərləri, bələdiyyə sədrləri, İcra Hakimiyyəti başçısı Aparatının məsul əməkdaşları, YAP Gəncə şəhər təşkilatının nümayəndələri, idarə, müəssisə, təşkilat rəhbərləri və şəhər ziyalıları iştirak ediblər.
Tədbirdə 15 iyun tarixinin əhəmiyyətindən danışılıb. Daha sonra Göygöl Dövlət Mahnı və Rəqs Ansamblının təqdimatında xalq və bəstəkar mahnıları ifa olunub. Xalq artisti Şahnaz Haşımova, solistlər: Rövşən Məmmədov, Əli Məmmədov, Xəyal Əliyev, Zəminə Nuriyeva və digərləri zəngin repertuarlarla çıxış ediblər.
