Gəncədə “Xanuma” tamaşasının premyerası baş tutacaq. Bu haqda 22 iyun tarixində Gəncə Dövlət Dram Teatrının Baş rejissoru Elşən Əhmədlinin Facebook səhifəsinə istinadən məlumat veririk.
Gürcü dramaturqu Akvasenti Saqarelinin “Xanuma” pyesi əsasında hazırlanmış eyniadlı tamaşa iyunun 23-ü Gəncə Dövlət Dram Teatrında nümayiş olunacaq.
Tamaşanın quruluşçu rejissoru Mikayıl Mikayılov, quruluşçu rəssamı isə Mustafa Mustafayevdır.
Əsas rolları xalq artisti Pərvanə Qurbanova, əməkdar artistlər Elxan Yunis, Novruz Cəfərov, Ramiz Vəliyev, Sevda Orucova, İlham Hüseynov, Kəmalə Məmmədova, aktyorlar Ruslan Hüseynov, Nailə Əhmədova, Zeynəb Hüseynova, Emil Salmanov, Elmir Məmmədov, Rauf Hüseynov, Məhəmməd Musayev ifa edirlər.
