Gəncədə su və kanalizasiya xətlərinin çəkilişi “Azərsu”nun sifarişi ilə həyata keçirilir. Bu haqda 21 iyul tarixində Kəpəz televiziyasına istinadən məlumat veririk.
Şəhərin Pərviz Səmədov, Şota Rustavelli, Ordubadi, Şahsevənlər və Almaz İldırım küçələrində magistral su və kanalizasiya boruları çəkilib. Ümumilikdə 400-dən çox abonentin mənzili yeni sistemə birləşdirilib.
İlin sonuna kimi şəhərdə 1900 abonentin su və kanalizasiya xəttinin əsas magistral xətlərə birləşdirilməsi nəzərdə tutulur.
Qeyd edək ki, əhalini içməli su ilə təmin etmək üçün Göygöl, Qızılqaya və Şəmkirçay su anbarının ehtiyatlarından istifadə olunması planlaşdırılır.
