Gəncə Gənclər Evində sahibkarlarla görüş keçirilib. Bu haqda bu gün, 1 mart tarixində sosial şəbəkələrdə məlumat paylaşılıb.
Kiçik və Orta Biznesin İnkişafı Agentliyinin (KOBİA) təşkilatçılığı ilə baş tutan görüşdə 40-a yaxın sahibkarlıq subyekti, Dövlət Vergi Xidmətinin və Gəncə Şəhər İcra Hakimiyyətinin nümayəndələri iştirak ediblər.
Görüşdə sahibkarlara KOBİA-nın struktur bölmələri tərəfindən vergi sahəsində həyata keçirilən maarifləndirmə tədbirləri, o cümlədən vergi ilə bağlı məsləhət xidməti və təlimlər, KOB maraqlarının müdafiəsi barədə məlumat verilib.
Tədbirdə sahibkarlar Vergi Məcəlləsində edilmiş son dəyişikliklər barədə məlumatlandırılıblar, vergi bəyannamələri ilə bağlı fikir mübadiləsi aparılıb və onları maraqlandıran suallar cavablandırılıb.
