Gəncənin Məhsəti qəsəbəsində 100-dən çox yaşayış evi mavi yanacaq üzünə həsrətdir. Problem on beş ildən çoxdur davam edir.
Gencexeber.az-ın məlumatına görə, Gəncə Çini qablar zavodu ərazisində
yerləşən 4 məhəllənin sakinləri qaz balonundan istifadə edirlər, otaqları isə "solyarka" (dizel yanacağı) yaxud da odun sobaları ilə qızdırırlar.
Vətəndaşların sözlərinə görə, həmin küçələrə mavi yanacağın verilməsinə dair plan tərtib olunub. Sakinlərə "Azəriqaz" İB tərəfindən tezliklə işlərin başlayacağı barədə vəd verilsə də, bir il keçməsinə baxmayaraq məsələ öz həllini tapmayıb:
"Bizim ərazidə qaz var, amma yaşadığımız dörd küçədə yoxdur. Bu illər ərzində müxtəlif qurumlara, o cümlədən "Azəriqaz" İB-nin rəhbərliyinə və şəxsən baş direktor Azər Məmmədova şikayətlər etmişik. Amma heç bir dəyişiklik yoxdur".
Sakin Tural İmanovun sözlərinə görə, şikayətlərinin baxılması üçün yenidən idarə rəisinə müraciət etdikləri zaman maraqlı cavabla qarşılaşıblar :
"Biz yenidən Gəncə Regional Qaz İstismar İdarəsinin rəisi Hüseyn Şirinovun qəbuluna getdik. Qazi anasının haqlı narazılığına cavabında rəis "qazı cibimdən çəkəsi deyiləm ki, ağlın olardı, evi qaz olan yerdən alardın" cavabını verdi.
