Gəncə şəhərində Dövlət Məşğulluq Agentliyinin İdarə Heyətinin sədri Mustafa Abbasbəyli vətəndaşlarla görüşüb. Bu haqda 22 iyul tarixində Əmək və Əhalinin Sosial Müdafiəsi Nazirliyinə istinadən xəbər veririk.
Müraciətlər, əsasən, işlə təmin olunma, özünüməşğulluq proqramından yararlanma, ictimai işlər və qurumun fəaliyyətinə aid digər sahələrə dair məsələlərlə bağlı olub.
Görüşdə, həmçinin Gəncə şəhərinin millət vəkilləri Pərvin Kərimzadə və Müşfiq Cəfərov da iştirak ediblər.
M.Abbasbəyli vətəndaşların müraciətləri üzrə sualları cavablandırıb. Əlavə araşdırma tələb edən müraciətlərin həll edilməsi ilə bağlı müvafiq göstərişlər verib.
