Şəhərdə əhatələndirmə sessiyası təşkil olunacaq.
Gəncə-Daşkəsən Regional Gənclər və İdman İdarəsi məlumat verir ki, tədbir Gəncədən olan 50 gənci bir araya gətirəcək. Burada məqsəd Avropa Gənclər Parlamentinin əsas dəyərlərindən olan müxtəliflik, mədəniyyətlərarası öyrənmə və aktiv vətəndaşlığı öyrətməklə yanaşı Azərbaycanın müxtəlif regionlarında yaşayan gəncləri qurumun fəaliyyətlərinə cəlb etməkdir.
Əhatələndirmə sessiyası çərçivəsində gənclər komanda quruculuğu, fəal vətəndaşlıq, könüllülük, qlobal problemlər və onların həlli kimi müxtəlif mövzular üzrə ətraflı məlumat əldə edəcək, yuxarıda qeyd olunan və digər mövzular üzərində yoldaşları ilə birlikdə komanda işi üzərində çalışacaqlar. Burada iştirak ödənişsizdir.
Müraciət üçün linkə daxil olmaq lazımdır. Son qeydiyyat tarixi avqustun 31-dir.
