Gəncədə yol-nəqliyyat hadisəsi baş verib.
Gencexeber.az məlumat verir ki, hadisə Əziz Əliyev prospektində bu gecə saat 00:15 radələrində qeydə alınıb. Yüksək sürətlə hərəkət edən “Mercedes” markalı minik avtomobili öncə yolun kənarında park edilən “Volkswagen” markalı maşınla toqquşub, daha sonra isə ağaca çırpılıb. Zərbənin təsirindən “Mercedes” aşıb.
Xoşbəxtlikdən hadisə zamanı xəsarət alan olmayıb.
Hadisə yerinə polis və FHN əməkdaşları cəlb edilib. Faktla bağlı araşdırma aparılır.
