Gəncədə məktəblərin birinin ətrafında iməcilik keçirilib.
Gencexeber.az məlumat verir ki, şəhərin Sadıllı qəsəbəsində yerləşən 17 saylı məktəbin yaxınlığındakı İlham Müzəffər oğlu Əliyev, İ.İsmayılzadə, Xəmsə, Validə Tutayuk və İlqar Həmzəyev küçələrində təmizlik işləri aparılıb. İməcilik Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyinin Ərazi Xidmət Sahələri tərəfindən həyata keçirilib.
Adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Bununla yanaşı məişət tullantılarının atılması üçün nəzərdə tutulan müxtəlif tutumlu konteynerlərin və zibil qutularının ətrafları da təmizlənərək səliqə-səhman yaradılıb.
Qeyd edək ki, bir müddət öncə 29 nömrəli tam orta məktəbin ərtafında antisanitar vəziyyətin aradan qaldırılması haqqında məlumat vermişdik.
