Gəncədə XVII əsrdən yadigar qalan və tariximizin zəngin dövrünü özündə qoruyub saxlayan Şah Abbas Cümə məscidinin ətrafı təmir edilib.
Gencexeber.az Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, qurumun Təmir-Tikinti və Qəza xidməti şöbəsinin əməkdaşları tərəfindən adıçəkilən məkanın bağında və ətrafındakı haşiyələrdə çatlayan, qırılan və qopan üzlük plitələr yenisi ilə əvəz edilib, həmçinin qırıq aqlay plitələr də sökülərək yenilənib.
Bununla yanaşı, Nizami Gəncəvi prospektində yerləşən fərdi yaşayış evinin fasadından qırılıb tökülən kərpiclər yeniləri ilə əvəzlənib, qopma təhlükəsi olan fasad hissələrlə bərkidilib. Beləliklə, mərkəzi küçə və prospektlərdə şəhərin dizayn görkəmi qorunub saxlanıb.
