Gəncədə 20 saylı marşrutun avtobusları gün ərzində iki qəza törədib.
Gencexeber.az məlumat verir ki, şəhərin Nizami Gəncəvi prospektində, “Qala kosmetiks” dükanının qarşısında 20 saylı marşrutun daha bir avtobusu qəza törədib. Nəqliyyat vasitəsi “VAZ-2106” markalı minik avtomobilinə çırpılıb.
Hadisə zamanı xəsarət alan olmayıb. Qəza səbəbindən Nizami Gəncəvi prospektində sıxlıq əmələ gəlib.
Qeyd edək ki, dünən saat 15:00 radələrində “Qala kosmetiks” dükanının önündə 20 saylı marşrut avtobusu “Hyundai” markalı maşınla toqquşub.
