Gəncədə iməcilik təşkil olunub. Bu haqda 18 fevral tarixində Mənzil Kommunal Təsərrüfatı İstehsalat Birliyinə istinadən məlumat veririk.
Təmizlik aksiyası bu gün Gəncəçayın məcrası boyu və sağ, sol sahillərində davam etdirilib. Çay üzərində bütün körpülərin ətrafı, alt hissəsi məişət tullantılarından, kol-kos və alaq otlarından təmizlənib. Sağ və sol sahildə konteynerlərin olmasına baxmayaraq, ərazi sakinləri tərəfindən kiçik zibil poliqonuna çevrilən yerlər xüsusi texnikalar vasitəsilə təmizlənib.
Mənzil Kommunal Təsərrüfatı İstehsalat Birliyi şəhər sakinlərinə müraciət edərək bildirir ki, məişət və digər tullantıları təyin olunan yerlərdə yerləşdirilən konteynerlərə atsınlar. Bu kimi hallara yol verən və dəfələrlə edilən xəbərdarlığa məhəl qoymayan vətəndaşlar haqqında inzibati qaydada tədbirlər görüləcək.
