“Azərişıq” ASC regionlarda yenidənqurma işlərini davam etdirir. Gencexeber.az “Azərişıq” ASC-ə istinadən məlumat verir ki, Gədəbəyin 4 kəndində elektrik şəbəkəsi yenilənir.
Ərazilərdə ötən əsrin 60-70-ci illərindən qalma köhnə elektrik xətləri tamamilə müasir standartlara uyğun şəkildə əvəz edilir.
Rayonun 350 abonenti olan Xar-xar kəndində sakinlərin dayanıqlı və fasiləsiz elektrik enerjisi ilə təmini üçün işlər aparılır. Kənddə 0.4 kilovatlıq yeni kabel xətləri çəkilib və dayaqlar basdırılıb. Müasir standartlara cavab verən yeni tipli sayğac qutuları quraşdırılıb və sayğaclara giriş naqilləri çəkilib. Əlavə 250 kilovatlıq transformator yerləşdirilib.
Gədəbəyin Arısu kəndində yenidənqurma işləri yekunlaşıb. Kənddə sakinlərin dayanıqlı və fasiləsiz elektrik enerjisi ilə təmin olunması üçün 0.4 kilovatlıq özünüdaşıyan izolyasiyalı kabel xətləri çəkilib, dayaqlar basdırılıb.
